WAR SAXAFADEED

Heshiiska Dhexmaray Madaxweynaha iyo Gudoomiyaha Baarlamaanka (Aqri qodobada)

Go'aanada ay wada gaareen Madaxweynaha iyo gudoomiyaha baarlamaanka oo saameeyay xukuumada KMG ah ayaa waxa uu u qoran yahay sida hoos ku qoran.

Iyagoo ka duulaya go'’aankii Golaha Amaanka ee Qaramada Midoobay iyo talo soo jeedintii Kooxda Xiriirka Caalamiga ah ee Soomaaliya ee ku aadanaa in ay hogaamiyayaasha Soomaalida islameeldhigaan sida loo dhamaynayo xiliga KMG ah islamarkaana ay ka heshiiyaan xiliga la qabanayo doorashada Madaxweynaha iyo Gudoomiyaha Baarlamaanka iyo kuxigeenadiisa ayaa Madaxweynaha Dawlada Federaalka KMG ah ee Soomaaliya iyo Afhayeenka Baarlamaanka waxay kulamo socday maalmo ku yeesheen magaalada Kampala ee Dalka Uganda.

Kulankaan oo uu garwadeen ka ahaa madaxweyne Museveni uuna fudeeyey ergayga gaarka ah ee Qaramada Midoobay soomaaliya u qaabilsan ambassador Mahiga ayaa waxaa laga soo saaray qodobo dhowr ah oo ay ugu miimsanyihiin;-

1-      In doorashada Madaxweynaha, Gudoomiyaha Baarlamaanka iyo ku xigeenadiisa dib loo dhigo mudo sanad ah oo ka bilaabmaysa August 21, 2011.

2-      In doorashada madaxweynaha, gudoomiyaha iyo ku xigeenadiisa la qabto ka hor bisha Agoosto 2012.

3-      Iyadoo uu tixgelinayo baahida loo qabo habsami u socodka shaqada wanaagsan ee xukuumaddu hayso iyo in laga gudbo khilaafaadka soo dhexgalay Baarlamaanka iyo Xukuumadda, waxaa raisulwasaaruhu go’aansaday in uu dalka gudihiisa shaqada iskaga casilo soddon maalmood gudohood.

4-      Laga bilaabo maalinta heshiiska la saxiixo isla sodonkaa cisho gudahooda ayuu madaxweynuhu kusoo magacaabayaa ra’iisuwasaare cusub. Baarlamaanku wuxuu ballan qaaday in uu ansixiyo Raisulwasaaraha cusub iyo xukuumadiisaba afar iyo toban maalmood gudohooda markii loo soo gudbiyo.

5-      Dhismaha golaha wasiirada waa in la tixgeliyaa qaabka 4.5 waa in lagu dhisaa ruux wadatashi ay is aaminaad ku dhisantahay oo ay madaxda hay’adaha dawladu yeeshaan iyadoo ay xadidayso shaqooyinka hayad walba ugu tilmaaman Axdiga ku meel gaarka ah. Wasiiradu waa in noqdaaan kuwo aqoon, khibarad iyo hufnaan leh.

6-      In Baarlamaanka iyo xukuumada cusub ay ka wada shaqeeyaan sidii loo meelmarin lahaa waajibaadka marxalada KMG ah, kuwaasoo ay ugu horayso Nabadgelyada, dhamaystirka dastuurka, diyaarinta doorashooyinka, dib u habaynta Baarlamaanka iyo xoojinta xiriirinta siyaasadeed iyo wadashaqaynta dadka Soomaaliyeed ee ay wax ka go’aan.

7-      In la dejiyo howlo qeexan, qorshe waqtiyeysan iyo waajibaad tilmaaman oo lagu  dhamaystiro waajibaadka marxalada KMG ah.

8-      In la abuuro jawi ay wadashaqayn iyo iskaashi ku yeeshaan Baarlamaanka iyo xukuumada i taas loo xaqiijiyana waa in la joojiyaa dagaalka warbaahinta waana in aan mudo sanad ah mooshino laga keeni Karin Madaxweynaha, Gudoomiyaha Baarlamaanka iyo ku xigeenadiisa.

Sidoo kale waa in xukuumada laga keeni Karin mooshin aan sabab iyo daliil xoog badan ku dhisnayn, kaasoo ay ku khilaafayso Axdiga KMG.

9-      In lix bilood kadib dib u eegid lagu sameeyo bhawlaha Muasasaadka dawladda.

10-     In madaxda gobolka (IGAD iyo EAC) ay dhisaan hay’ad siyaasadeed oo ay kala shaqayn doonaan UNPOS iyo AU taasoo dabagasha waxqabadka iyo meelmarinta hawlaha lagu heshiiyey. Nidaaamkan oo la mid ah kii laga hirgeliyey dawladda Burundi kii lagu nabadeeyey ayaa kor meeri doonaa cunaqabatayn iyo ciqaabna saari doonaa ciddii ka hor timaadda hergelinta heshiiskan.

Wasiirka Warfaafinta Boostada iyo Isgaarsiinta.

qarankeenni qabyaalad aya baabi’isay (Part 1)

Waxaan rabaa qoraalkaan inaan ku darasno waxa la yirahdo Qabiilka (tribe) iyo qabyalada (tribalism) iyo aafooyinka qabyaladu leedahay iyo weliba sida ay qarankii u baabi’isay.

Eray bixin:

Qabiil: reero ama qoysas isku abtirsada iyo intii raacda si kastaba ha ku raacde ama dad danwadaag ah oo sidaas isku raacay.

English:

 1. a social group comprising numerous families, clans, or generations together with slaves, dependents, or adopted strangers

2. a group of persons having a common character, occupation, or interest

Qabyaalad: waa dareen amiinaad ah iyo daacadnimo qabiilka loo noqdo ayada oo dadka kale oo dhan laga koryeelayo lagana hormarinaayo gar iyo gardaroba.

English:

Definition: trib·al·ism: noun \-bə-ˌli-zəm\

1. Tribal consciousness and loyalty; especially: exaltation of the tribe above other groups,
2. Strong in-group loyalty

Haddaan wax yar aan dib u jaleecno berisamaadkii waagii aan dawlada dhexe lahayn aya waxaa caadi ahaa in ninkii badiyaha ku wareera u yimaado casimada kadibna waqti yar ka dib la arkaa asago xafiis fadhiya oo madax ah, ayado badan oo reer magaal ah oo wax bartay ay subax walba u kalahan fisha labore ama xafiiska shaqada kana soo noqdaan ayago fara maran. Waxa markii dambe dhacday oo la arkay rag aad u fara badan oo aan magacooda qori karin oo agasimayaal ah, oo markii warqad loo keeno ku leh “war aqri dee maxaa ku qoran” ama u dhiiba kuwa ka hooseeya si ay ugu aqriyaan.

Sababta maantay la isu amini la’yahay aya waxay tahay in ninkii madax laga dhigo u wixii ummadda ka dhexeeyey u reerkiisa keliya u gacan gelsho inta kalena ka omanaadaan.

Waxay manta tagantahay in reer walba yirahdo jagooyinka waweyn ayan rabna haddi kale wiilasheenu shaqo heli mayaan.

Qabyaaladu waxay hooyo iyo abbe u tahay CUNSURINIMADA, TAKOORKA, YASIDA IYO MEELKA DHACA IYO XADGUDUBKA BANIADAMKA LAGU XADGUDBAYO.

Qabiil kastaa wuxu aminsanyahay in u kuwa kale ka karaamo badanyahay, ka mudanyahay, ka tira badanyahay, ka aqoon badanyahay, ka geesisanyahay, ka caqli badanyahay, ka diin badanyahay, ka geel badanyahay, ka -------- waa socota

ALLOW CULUMADA CILMIGII NOOGU SOO CELI, ALLOW DALKA NABADII NOOGU SOO CELI,
ALLOW UBADKA EDEBTII NOOGU SOO CELI, ALLOW DUMARKA XISHOODKII NOOGU SOO CELI,
ALLOW ODAYAASHA TALADDII NOOGU SOO CELI, ALLOW UMMADA AAMINAADDII NOOGU SOO CELI,
ALLOW CULUMADA DACADII NOOGU SOO CELI, ALLOW MADAX DAACADA DADKAN U SOO DIR.
ALLOW SHACABKEENA DHIIGII IYO DHIRANAANTII IYO KARTIDIIBA NOOGU SOO CELI
DOQONTU XARKIHII LAGU XIRXIRI LAHAA AYADAA XUSULADA KU SIDATA.
Waa socotaa …La soco qaybta asbuuca so socda: Soo booqo blogs ka: don’t forget to rate it
http://ahmedabtidon.wordpress.com/
http://ahmedgureysblog.blogspot.com/
Wa billahi towfiiq
Waa Qalinkii Eng. Ahmedgurey W. Abtidon
CONTACT: ahmed.abtidon@gmail.com

JOKE OF THE DAY/WITZ DES TAGES

Little Johnny was sitting in class doing math problems when his teacher picked him to answer a question, "Johnny, if there were five birds sitting on a fence and you shot one with your gun, how many would be left?" "None," replied Johnny, "cause the rest would fly away." "Well, the answer is four," said the teacher, "but I like the way you're thinking." 

Little Johnny says, "I have a question for you. If there were three women eating ice cream cones in a shop, one was licking her cone, the second was biting her cone and the third was sucking her cone, which one is married?" 

"Well," said the teacher nervously, "I guess the one sucking the cone." 

"No," said Little Johnny, "the one with the wedding ring on her finger, but I like the way you're thinking."

 

JOKE OF THE WEEK/WITZ DER WOCHE

Ma ogtahay inaan Amooraati kugu ahay?

Nin dhalinyara ah oo reer waaqooyi ah aya wuxu ku noolaa magalada Muqdishu, xafada Casa Populare oo ah xafada aallaaba ay reer waqqooyigu deganaayeen. Ninkan oo Jajuur lagu magacaabo aya wuxu farisan jiray bibito ku taala manaboolyo, waxaana ka shaqeysa gabar reer Muqdishu ah oo qurux badan. Gabadha waxaa la yirah Batuulo. Maalin walba wuxu ka soo lugeeya Casa Populare si u gabadhaas u soo arko oo ula sheekeysto, lakin mar alla marka u gabadha arko ayaa bahal xishood la yiraah illahay dul saara, wax kale iska daaye indhaha xataa ma siin karo.

Maalin maalmaha kamid ah ayaa waxa u ka ibsaday sigaar, dabadeed gabadhi ayaa baakidka sigaarka korkiisa ku qortay: “MA OGTAHAY JAJUUROW IN AAN AMOORATI KUGU AHAY”. Jajuur inta bakidkii jeebka gashtay ayu xafadiisi u lugeeyey, markii u xafada tegey ayu aqriyey wixi bakidka ku qorna. Jajuur waa garan waayey waxa ay Batuulo ka wado kelmeda AMOORAATI, lakin wuxu u mecneystay in ay ka wado ANTIPATHIC ama qof waji xun. Jajuur bibitadii iyo batuulo dib ugma noqon madama erayadii Batuulo ku qortay bakitka korkiisa ay ula ekaadeen in aysan Batuulo aragiisa jecleysan.

Markii ay Mudo sanad ku dhaw ka soo wareegtey ayaa habeen habeenada kamid ah Jajur iyo dhalinyaro kale isla caweeyeen. Mid dhalinyaradii kamid ah ayaa wuxu ka sheekeeyey film Qatar ah oo u habeenkii hore galay. Markaas ayu wuxu yiri filmka amoorati a la jila noh, Jajuur ayaa la soo booday “war amooratigu waa maxay”? Inta markiiba lagu qoslay aya lagu yiri, “amoore ma kaseysid miya? Jaceyl waye noh.

Hal mar ayu Jajuur inta booday orod is dhigay sidii wax waalan. Orodkii u ka bilaabay Casa Populare hal marna ma istaagin ila iyo maanabolyo. Bibitadii u batuulo ku ogaa ayu tegey, nasib daro bibatadii way xirneyd. Halkaas ayu asagoo madluun ah ka soo noqday, markii u guriga yimid ayu bakidkii oo u safiitada geliyey ka soo bixiyey oo boorka ka jafay, dibna u aqriyey kelmadihi oo sidii hore ka qurxoon. In kastoo Jajuur dhawr jeer ku noqnoqday bibatadii Batuulo meel ay jaan iyo cirib dhigtay waa la waayey. Halkaas ay Jajuur amoorihi ku waayey.

Just visit my blog:
http://ahmedabtidon.wordpress.com/

COL KU DHACYEY OO TUUGO KU CIDAMISAY (PART 8)

KU MEEL GAAR WAA MAXAY?

 Dawlada ku meel gaarka ah ee TFG da maxaa ka si ah, maxay tahay sabab ay qilaafaadkooda u xalin la’yihin.

Arrin lagu heshiin waayo haddaad aragto labo ayey mid tahay:

Waa tan hore e mid ayaa keenaya wax aan meesha ku jirin ama aan looga bahneeyn. ama wax meesha looga bahanyahay ayaan la keeneyn.

Waxaa muqata in madaxda dawlada ku meelgaarka ah iyo baarlamaanka ku meelgaarka ahi aysan fahmin shaqada loo soo igmaday markii la sameynayey iyo awoodoodu inta ay la egtahay.

Hayaqdaha dawlada TFG da waa ku meelgaar, waana dawlad dib u heshiisiin ee maha dawlad rasmi ah oo awood dawladeed leh, taasi mecnaheedu waxaa weye, dawlada iyo baarlamaanka waxa loo diray shaqo cayiman oo waqti cayiman leh.

Marka surta gal ma aha, awoodna uma laha in ay waqti kororsadaan, ha ahaadeen barlamaanka ama dawladaba.

Sharif Hassan awood uma laha in u gudiyo magacaabo sababta oo ah wixii loo diray ma aha in ay waqti kororsadaan loogumana talo gelin. Baarlamaanka 500 ah waxaa loo sameeyey in mushkilad lagu xaliyo si ay u diyaariyaan dastuur rasmi ah iyo doorashooyin, si dawlad rasmi ah loo gaaro.

Haddaba waa in ay fahmaan madaxda dawlada TFG du in ay awoodoodu xadidandahay oo aysan waxay rabaan sameyn kain. Shaqada loo igmaday waa dib u heshisiin ee shaqadooda ha qabsadaan.

Waxaa muuqata oo nasiib daro ah in ummada degen kunfurta Soomaaliya ay tahay ummad dhinac kasta ka goblanytay, aqligii bay ka goblantay, oo taladii bay ka goblantay oo garashadii bay ka goblantay, oo diintii bay ka goblantay, oo dareenkii bay ka goblantay oo hogaankii bay ka goblantay, oo xishoodkii bay ka goblantay, oo dhaqankii bay ka goblantay, oo aqoonti bay ka goblantay,waa ummad mid mid dhaama aan la arag. Maxa loo waayeyay mid maatadaan tabaaleysan ee saddexda sanno geedaha hoosttoda ku baaba’day ka naxa.

“RAG LA’AANI WAX KUMA YEESHEE, RAG XUMAA KU DISHA”

Ninba baadida kula daydaya daalna kaa badane,

Oo aan doonahayn inaad heshaa, daa’in abidka e

Adkuna idin moodaya duul wada socdo wax u dahsooneyne

ALLOW CULUMADA CILMIGII NOOGU SOO CELI, ALLOW DALKA NABADII NOOGU SOO CELI,
ALLOW UBADKA EDEBTII NOOGU SOO CELI, ALLOW DUMARKA XISHOODKII NOOGU SOO CELI,
ALLOW ODAYAASHA TALADDII NOOGU SOO CELI, ALLOW UMMADA AAMINAADDII NOOGU SOO CELI,
ALLOW CULUMADA DACADII NOOGU SOO CELI, ALLOW MADAX DAACADA DADKAN U SOO DIR.

Allow shacabkeena dhiigii iyo dhiranaantii iyo kartidiiba noogu soo celi

DOQONTU XARKIHII LAGU XIRXIRI LAHAA AYADAA XUSULADA KU SIDATA.

Waa socotaa …La soco qaybta asbuuca so socda: “col ku dhacyey oo tuugo ku cidamisay….

Soo booqo blogs ka: don’t forget to rate it

http://ahmedabtidon.wordpress.com/ 

http://ahmedgureysblog.blogspot.com/

Wa billahi towfiiq

Waa Qalinkii Eng. Ahmedgurey W. Abtidon

Contact:           ahmed.abtidon@gmail.com